سلمنا ، فصرنا نحمل

ترنيمه : راجعلك

1)راجعلك اصل انا منك ومرتاحش بعيد عنك
بحبك ايوه يا ربي انا ملكك انا ابنك
قرار
يا شايل حملي علي كتفك يا ناقش اسمي علي كفك
غلطت كتير وتوهت كتير ومهما ابعد انا في قلبك

2)ومن جهلي بسيب حضنك كتير وانساك
وتندهلي ونفسي عامله مش سمعاك
ولما بدوس علي الاشواك وتوحشني الحياه وياك
بسيب الدنيا واجري عليك وبلجاء ليك

3)ولو تسمح انا مستني هنا علي الباب ياريت تفتح

يا رب انا جاي بعد غياب انا واقف علي الاعتاب
معاك ارتاح من الاتعاب وقلبي القاسي حن وتاب وبنده ليك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ترنيمه : أسندنى فى ضعفى

1) مهما ضعفى امتلكنى و اتسرب فيا اليأس
انت فى عينيك شايفنى ابنك جبار البأس
و فاتح ليا حضنك و شايل منى الخوف
و بكلمه وعد منك باهزم ربوات و ألوف
قرار
اسندنى فى ضعفى و اسمع لصلاتى ألهم ارحمنى انا الخاطى

2 (و مهما بعدنا عنك تفضل معانا تحاول
و بتخلق فينا بولس و يموت جوانا شاول
ما انا زى الساميريه جيلك و الضعف مالينى
عطشان و عايز اشرب و ما فيش غيرك يروينى

3) رغم الخطيه هارجع بدموعى اترجاك
مستنى منك اسمع مغفوره ليك خطاياك
ما انا ابنك صنع ايديك و كلامك ليا ميراث
تفضل عينى عليك و ايدى على المحراث

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ترنيمه : شايف

القرار
على صليب العار بشوفك نظرة عينيك بتحبني
شايف غلاوتي برهانها موتك و دة كله علشان تردني

شايف جروحك بتنزف آلام شايف عيونك بتحكي كلام
و بجري إليك تشيلني إيديك لأني حبيبك غالي عليك
كل الرسالة بتقولها عينيك انا غالي عليك

و جرح إيدك واهبني سلام موتك بدالي يفوق الكلام
و تبقى الحقيقة بتجذبني ليك اني حبيبك غالي عليك
كل الرسالة بتقولها عينيك انا غالي عليك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ترنيمه : عارفك مش قادر ترتاح

القرار

تعالى الية وسلم لية وحط حياتك بين ادية

هيغفر ليك خطايا مضيك ويضمن كل الحاضر فية
عارفك مش قادر ترتاح شايف قلبك كلة جراح

عمرك في طريق مظلم راح تعالي يسوع عندة الأفراح
وهتفضل عايش تعبان طول ما عنيك الإنسان

لية فكرك شارد حيران دة يسوع يملي الفكر طمان

ارجع و ارمي عالم فاني مش هتفكر ترجع تاني

لية قلبك من الهم بيعاني عمرك ضايع و أنت الجاني

جرحك مين يقدر يداوية دمك مين يقدر يبارية

لية خايف تتقدم لية حملك أرمية كلة علية