لا تخف لأنى معك

حر انما مسجون جوايا

لكن سجنى ما لوش قضبان

هو ما فيش للحبس نهاية

تمنع عن قلبى الاحزان

مش يا رب لو انت معايا

ما كانش يغلبنى السجان

وفى عز همى دة بصيت

لقيتك واقف قدامـــــــــــى

بتقول يا أبنى أدينى جيت

لية أتهزت ثقتك فى كلامى

عادى أنك تمر بضـــــــــيق

بس أنا دايما عينى عليك

لو يوم ضليت الطـــــــريق

ها تردك أيدى وتهديــــــك

مت وقمت عشان أثبتلك

قد اية يا حبيبى بحبــــك

وأنت تفكر أنى ناسيــــك

لازم تبقى شايفنى بقلبك

أتبع أيمانك مش عنيك

ها تلاقينى دايما جنبك

قبل ما تنادى بألبيك