خليك واثق ان ربنا يقدر ...

قاعد ليه مهموم متحير؟
شايل الحمل وفيه بتفكر
خليك واثق ربنا يقدر

ينزع خوفك ويزيل همك
ويشيل هو حملك عنك
وتلاقي معاه راحة قلبك
لما تجيله زي ما وعدك

ياما شلت الهم وفكرت
كان ايه يعني اللي اتغير
غير انك بيه اتعذبت
وبقيت تايه أو متحير
لكن لو لالهك رحت
هيسير كل شيء للأفضل
مش هتحلها مهما حاولت
طول ما بعيد عنه بتدوّر

اجري على أعظم طبيب
واحكيله قوام عاللي واجعك
عمر ما وصفة ليه بتخيب
ووحده هيعرف يعالجك
لا في صاحب ولا حتى حبيب
غيره ممكن ينهي ألمك