نكت جديدة

عريس عصبي يوم فرحه كتب في بطاقةالدعوة: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا فيبيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى


واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس بوش خطفوه و الفدية 5$ مليون دولار
ولو الفدية ماتدفعتش .. الخاطفين هددوا يدلقوا عليه بنزين و يولعوا فيه
و حنا بنجمع تبرعات .. تحب تشارك ؟
الرجل سأل: وفي المتوسط الناس بتتبرع بكام
الرجل الثاني : " من 5 الى 10 لتر بنزين


واحد كل يوم يطلع من الجمرك بالموتسيكل وشايل صندوق صغير وراه
مفتش الجمرك يقوله فيه ايه في الصندوق يقوله مافيش ويديله ساعة يد ويقوله عديني يروح معديه
ومره المفتش قال له افتح الصندوق قاله مفيش داعي قاله افتح الصندوق ففتح الصندوق لاقاه فاضي
قاله ادفع نص عمري واعرف انت بتهرب ايه .. ولو قلت لي الصراحة هاخليك تعدي لو شايل جمل
قاله احلف وانا اقولك .. حلف المفتش .. قاله انا باهرب موتسيكلات

واحده ست كان عندها كلب كانت بتحبه قوى
وفى يوم جوزها جالوا اعاره لبلد عربى فمعرفتش تسفر الكلب بتعها فسبتوه مع اخوهه
بعد ماسافرت كانت كل اسبوع بتتصل تطمن على الكلب
المهم الكلب مات فاخوها اتصل بيها وقالها على اللى حصل
راحت اخته اغمى عليها و جالها اكتئاب بعدها و مكنتش بتكلم حد بعديها خالص
فجوزها اتصل باخوها قال له انت ازاى تقول لها كده مره واحده كنت تقولها واحده واحده
يعنى مره الكلب نزل يلعب فى الشارع و مره الكلب خبطته عربيه و مره الكلب فى المستشفى و حالته خطيره
وفى الاخر الكلب مات !!
راح اخوها قاله حاضر لو حصل حاجه بعد كده حاخذ بالى
بعد اسبوعيين اخوها اتصل بجوزها وقاله أمك نزلت تلعب فى الشارع


واحده شافت جارتها فسألتها : إزاي جوزك الحاج؟

فردت عليها وقالتلها : مش مات الاسبوع اللي فات

كان في جنينة البيت بيحاول يطلعلي كرنبة من الأرض عشان نتعشى بيها

فجاتله أزمة قلبية ومات في مكانه في الجنينه

فقالت جارتها: يا عيني يا غلبانه .. وعملتي اييه في موقف زي ده ؟

قالتلها : أبداً واللهِ عملت السلطه من غير كرنب وحياتك !!؟