ضحك×ضحك

واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".



و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".


الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"


مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين


جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك واحد.


مره واحد مسطول حب يعمل تجارب على الضفدعه فقطع الرجل الاولى وقالها نطى قامت الضفدعه نطه فسجل النتايج وقال اثبتت التجارب انه بعد قطع الرجل الاولى للضفدعه انها تستطيع ان تنط وهكذا بالنسبه للرجل التانيه والتالته مع تسجيل نفس النتايج وقطع الرجل الرابعه وقالها نطى مانطتش نطى مش راضيه تنط فسجل النتايج وقال ان التجارب اثبتت انه بعد قطع الرجل الرابعه للضفدعه اناه فقدت حاسة السمع


مباراة كرة قدم

فيه حكم ساحة دخل الملعب ملقاش حكام الخطوط ..
راح يدور عليهم .. فوجد اثنين صعايدة برا ..
فا أعطاهم الأعلام وحطهم في أماكنهم في الملعب
وقال لهم : إذا فيه فاول ارفعوا العلم ..
بدت المباراة .. الجمهور اتخانق مع بعض
رفع واحد من الحكام العلم وجاه حكم الساحة
وقاله :لية رفعت العلم ؟
قال : اللي فوقنا اتخانقو !
قاله : عليك باللي داخل الملعب بس !
وفي أثناء اللعب رفع رجل الخط الثاني العلم !
وجاه حكم الساحة وقاله : في ايه؟
قاله : هو صاحبي هريدي كان بيقولك اية


مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه




واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه