الــتـــقـــل فــى الـــحـــب

[size=16]الموضوع ده بجد محيرني ونفسي أعرفله تفسير

وهو موضوع التقل

كتير بنلاقي لو في واحد بيحب واحدة وهي عارفة بكده تتقل عليه وتعمل نفسها راسية وعاقلة بطريقة مستفزة

وأول ما تلاقيه يا عيني خلاص مل وابتدي يبعد تحاول تقرب منه والمشكلة أنه لو رجع يقرب تاني منها بتسوق التقل عليه مرة تانية وتالتة من جديد

الكلام ده مش بيحصل من البنات بس لكن من الولاد برضه وبنفس الطريقة

ومع العلم أن الطرفين بيحبوا بعض يعني الطرف اللي بيسوق الدلال والتقل ده مش واخد الموضوع تسلية

أكيد في أسباب كتير للتقل بل وإنها بتضمن مواضيع كتيرة تنية وبيحصل بينها خلط في مفهومها زي ...

الخجل وعدم القدرة علي التعبير

أو بسبب الحياء والالتزام الشديد لدرجة أن عاداته اللي اتربي عليها تحتم عليه انه ميصرحش بمشاعره

أو بسبب خوف أحد الطرفين وعادة البنت من أنها تصرح بمشاعرها لولد يكون بيلعب بيها

لكن بعيد عن كل الأسباب دي .. يا تري إيه السبب في نوعية التقل اللي اتكلمت عنه في البداية واللي بعتبره فن في التعذيب والتلذذ بألم الحبيب[/size]

هههههههههههههههه جامد الموضوع

وانا هعمل تقيل ومش هرد علي الموضوع

ليكى حق فى موضوع التقل دة بس عارفة ساعات الواحد بيبقى مش قادر يتكلم بيخاف يقول اى حاجة عن مشاعرة جايز يكون مش متأكد او فى حالات قليلة بيبقى خارج من تجربة

انا من رأيى أن ادام الاثنين بيحبوا بعض يبقى مافى داعى للتقل لان التقل بيبين للطرف الاخر انه مش محط اهتمام حبيبه وده اللى بيخليه يحس ان حبيبه حبه قل وبالتالى تحصل المشاكل وبعدها الفراق والاثنين يكونون فى شدة الاسف لما حصل

ومرسى لمشاركتكم فى الموضوع

scratch