هل يفرح الله عندما نتألم؟

سؤال محير جداااا
هل يفرح الله عندما نتألم ؟
ايه رأيكم فى السؤال ده ؟

موضوع محير لكن ممكن كل واحد هيقرأ الموضوع ده هيكون عنده رد غير التانى

منا اللى هيقول ايوه الله بيفرح لما بنكون فى الالام والدليل على كده اننا لسه فى الالم وانه مش شايفنا ومش سامعنا لانه لو شايف المنا وسامع صراخنا كان جه رفع الالم ده منا

ومنا اللى هيقول لا طبعا الله مش بيفرح للالم اللى بنمر بيه

وفى الحقيقه انا حابب اقول لكم ان الله مش بيفرح للالم ولكن بيتمجد من خلال الالم
ولولا الالم مش ممكن نشوف الرب ونشوف ايده اللى هتيجى بكل حنيه ترفع عن التعب والالم

لولا ان ايد الفخارى بتضغط على الطين وتشكل فيه وتحطه جوه الفرن مكنش يطلع منه حاجه حلوه
نفس الايد ده اللى بتضغط وبتسبب الم للاناء الفخار اثناء التشكيل هى هى نفس الايد اللى بتتمد علشان تطلعنا الاناء الفخارى من الفرن بعد اكتمال صنعه بعد ان يكون له اروع شكل

الله بيشكل فينا من خلال الالم
الله سبق ان تألم قبلنا
وعاش الالم
وداق العذاب والمر
قبلى وقبل كل واحد فينا
ازاى مش هيحس بينا
ازاى هيفرح عندما نتألم
الرب يسوع نزل اصلا للدنيا علشان يتألم
وعلى فكره اللى مر بالالم يشعر كويس جدااا بغيره اللى بيمر فى الم
لانه داق الالم
ولازم نعرف حاجه مهمه جداااااااااااا

ان الالام مش طول العمر
بس ليه فتره محدوده
هى فترة التشكيل

زى ما قال المرنم

ولو شفت نهايتى بعينى ما ليش قوة انى اتكلم
تحيينى و تمد لى ايدك تعمل فيا لما اسلم
مهما التجارب بتجرحنى لمسة حنانك بتريحنى
تزكى صبرى و تفرحنى فى كل امورى تنجحنى
زمن الضيقة زمن محدود مهما حزنه وليله يسود
انا مستنى فجر جديد يوم ما تحققلى المواعيد


تعالو انهارده نشكر الرب على الايد اللى بتشكلنا
بتصنع منا اناء جميل
من خلال الالم
نشكر الرب على الالم
لانه كمان بيسندنا وسط الالم


امين